Qashqadaryoda sport tadbirlari davom etmoqda

Jumladan, Qarshi shahrida joylashgan suniy qoplamali mini-futbol maydonida viloyat jismoniy tarbiya va sport boshqarmasi, futbol assocasiyasi hamda viloyat karlar jamiyati tashabbusi bilan viloyatdagi imkoniyati cheklangan aholi (kar-soqov) o'rtasida mini-futbol bo'yicha viloyat birinchiligi musobaqasi bo'lib o'tdi.

Mazkur musobaqada imkoniyati cheklangan aholi vakillaridan tashkil topgan, viloyatdagi barcha tuman (shahar)larning bittadan, jami 15 ta jamoasi ishtirok etdi va g'oliblik uchun maydonda to'p tepishdi.

O'zgacha ruhda bo'lib o'tgan musobaqada barcha raqiblarini dog'da qoldirgan Qarshi shahri jamoasi 1-o'rinni, 2-o'rinni Koson tumani jamoasi qo'lga kiritgan bo'lsa, faxrli 3-o'rinni Nishon tumani jamoasi egalladi.

Bellashuvlar so'nggida g'olib va sovrindor jamoalar tashkilotchilar tomonidan munosib taqdirlanishdi.

Ilhom RAHMONOV tayyorladi