26 sen 13:19
Yangiliklar

Kurash

Qashqadaryoliklar yosh polvonlar Qarshida bellashishdi

Qarshi shahrida viloyat jismoniy tarbiya va sport boshqarmasi hamda viloyat kurash federaciyasi bilan hamkorlikda 2002-2003 yillarda tug'ilgan o'smirlar va qizlar o'rtasida kurash bo'yicha viloyat chempionati o'tkazildi.

Mazkur musobaqada viloyatning barcha hududlaridan kelgan 180 nafarga yaqin yosh polvon (shundan 50 nafarga yaqini qizlar) 19 vazn toifasi bo'yicha kurash olib bordi hamda o'z iqtidorlarini namoyon etdi.

Qizg'in kurashlarga boy bo'lgan mazkur musobaqa so'ngida g'olib va sovrindorlar viloyat jismoniy tarbiya va sport boshqarmasi hamda viloyat kurash federaciyasi tomonidan diplom, medal va esdalik sovg'alari bilan taqdirlandi.