Qo'l to'pi. Bellashuvlar davom etmoqda

O'zbekiston Respublikasi Prezidentining 2017 yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to'g'risida”gi PQ-3031 sonli Qorori bilan tasdiqlangan dasturning 50 va 52-bandlari ijrosini taminlash maqsadida O'zbekiston Respublikasi jismoniy tarbiya va sport vazirligi, O'zbekiston Yoshlar Ittifoqi, O'zbekiston Respublikasi oliy va o'rta maxsus talimi vazirligi, O'rta maxsus, kasb-hunar talimi markazi, O'zbekiston “Barkamol avlod” jismoniy tarbiya va sport jamiyati Markaziy kengashi bilan hamkorlikda tashkil etilgan, o'rta maxsus, kasb-hunar talim muassasalarida tahsil olayotgan o'quvchilar o'rtasidagi mazkur qo'l to'pi sport turi bo'yicha IV bosqichli “Barkamol avlod sport jamoalari” musobaqalarining final bellashuvlariga 4 aprel kuni start berilgan bo'lib, ushbu final bosqichida Qoraqalpog'iston respublikasi, Toshkent shahri va barcha viloyatlardan jamoalar g'oliblik uchun o'zaro kuch sinashishmoqda. 

Ayni paytda Toshkent shahri, Andijon, Xorazm, Qashqadaryo kabi viloyatlar jamoalari etakchilik qilishmoqda. G'olib va sovrindorlar nomi 6 aprel kuni malum bo'ladi.  

Husniddin NURMATOV, O'zbekiston “Barkamol avlod” jismoniy tarbiya va sport jamiyati Andijon viloyat mintaqaviy bo'limi raisi o'rinbosari:

- Musobaqalar ayni qizg'in pallada. Jamoalarning g'oliblik sari intilish yuqoriligi bois, har bir bellashuv shiddatli tus olmoqda. Ayniqsa, Toshkent shahri, Qashqadaryo, Namangan, Andijon, Xorazm  jamoalarining qo'li baland kelmoqda. Musobaqlar davomida iqtidorli sportchi-o'quvchilar ham saralanmoqdaki, ular kelajakda milliy terma jamoalarimizga zahiradagi sportchi sifatida kirishi mumkin. Bosh maqsadlarimizdan biri ham milliy terma jamoalarga munosib nomzodlarni etkazib berishdan iborat.

Ilhom Rahmonov tayyorladi, o'z muxbirimiz