Qonli va nokautli UFC Fight Night 267 turnirining barcha natijalari bitta xabarda

Xabar berganimizdek, oqshomning asosiy jangi o'rta vazn toifasida sobiq UFC chempioni SHon Striklend hamda Entoni Ernandes o'rtasida o'tkazilib, tajribali SHonning uchinchi raunddagi texnik nokautli g'alabasi bilan yakunlangandi. O'rta vazn reytingida uchinchi o'rinni egallab turgan Striklend to'rtinchi pog'onadagi Entonining sakkizta jangdan iborat g'alabali seriyasiga shu tarzda barham bergandi. 

Umuman olganda, UFC Fight Night 267 turnirining beshta jangi muddatidan avval yakunlandi. Ana shu nokautlarning uchtasi asosiy uchta jangda qayd etildi. Qolgan jang g'oliblari hakamlarning qaroriga ko'ra aniqlandi. 

UFC Fight Night 267 turnirining barcha natijalari:

O'rta vazn: SHon Strikland uchinchi raundda Entoni Ernandesni texnik nokautga uchratdi;

Yarim o'rta vazn: Urosh Medich birinchi raundda Jeff Nilni nokaut qildi;

Yarim engil vazn: Melkizael Kosta birinchi raundda Den Igeni texnik nokaut evaziga engdi;

Og'ir vazn: Sergey Spivak Ante Deliyani hakamlarning yakdil qarori bilan yutdi (30-27, 29-28, 29-28);

Yarim o'rta vazn: Jeykobi Smit Jozayya Xarrellni birinchi raundda nokaut evaziga engdi;

O'rta vazn: Mishel Pereyra Zakari Risni hakamlarning ayri qarori evaziga mag'lubiyatga uchratdi (29-28, 28-29, 29-28);

Yarim o'rta vazn: Karlos Leal CHidi Njokuanini hakamlarning yakdil qarori bilan taslim etdi (30-27, 29-28, 29-28);

O'ta engil vazn: Alibi Idiris Ode Osbornni hakamlar qarori bilan mag'lub etdi (29-28, 30-27, 30-27);

O'ta engil vazn: Olden Koria Luis Guruleni ochkolar bo'yicha yutdi (30-27, 30-27 30-27);

Ayollar engil vazn toifasi: Jozelin Edvards Nora Kornollni ikkinchi raundda bo'g'ish usuli bilan mag'lubiyatga uchratdi;

Yarim o'rta vazn: Punaele Soriano Ramiz Braximayndan hakamlarning yakdil qarori bilan ustun keldi (29-28, 29-28, 29-28);

Yarim o'rta vazn: Jan Pol Lebosnoyani Filip Rouni hakamlarning ayri qarori bilan mag'lub etdi (29-28, 28-29, 29-28);

Yarim engil vazn: Jordan Lavitt Yade del Valleni ochkolar bo'yicha engdi (29-28, 29-28, 29-28);

Ayollar eng engil vazn: Karli Judis Juliana Millerdan hakamlar qaroriga ko'ra ustun keldi (29-28, 29-28, 30-27).