21 may 16:13
Yangiliklar

Kurash

Qo'qon belbog'li kurash bo'yicha jahon chempionatiga mezbonlik qiladi

25-27 may kunlari Qo'qon shahrida O'zbekiston Respublikasi Prezidenti sovrini uchun ilk bor “Qo'qon va sport” shiori ostida belbog'li kurash bo'yicha 2005-2006 yillarda tug'ilgan o'smirlar va qizlar o'rtasida jahon chempionati bo'lib o'tadi.

Qo'qon shahridagi Muqumiy nomidagi madaniyat va istirohat bog'ida o'tkaziladigan mazkur jahon chempionatida Rossiya, Mo'g'uliston, Ozarbayjon, Belarus, Isroil, Gruziya, Hindiston, Moldova, Ruminiya, Qozog'iston, Qirg'iziston, Tojikiston kabi dunyoning 20 ga yaqin davlatidan 300 nafarga yaqin sara polvonlarning ishtirok etishi kutilmoqda.

Musobaqa O'zbekiston Respublikasi sportni rivojlantirish vazirligi, Jahon belbog'li kurash associaciyasi (JBKA), Farg'ona viloyati hokimligi, Farg'ona viloyati prokraturasi, O'zbekiston Milliy olimpiya qo'mitasi, Farg'ona viloyat sportni rivojlantirish bosh boshqarmasi, O'zbekiston belbog'li kurash federaciyasi hamda qator vazirlik va tashkilotlar ko'magida o'tkaziladi.

Jahon chempionatida belbog'li kurash qoidalariga ko'ra, belbog'li kurash bo'yicha o'g'il bolalar - 42, -45, -50, -55, -60, -65, -71, -77 , -85, -95, +95 kg. vazn toifalarida kuch sinashishsa, qizlar - 44, -48, -52, -57, -63, -70, +70 kg. vaznlarda g'oliblik uchun bahs olib borishadi.

Malumot uchun, “Qo'qon va sport” shiori ostida o'tadigan jahon chempionatining umumiy mukofot jamg'armasi 216 000 000 so'mni tashkil etadi.