Qo'qonda zamonaviy sport-sog'lomlashtirish markazi foydalanishga topshirildi

O'zbekiston Respublikasi Vazirlar Mahkamasining 2019 yil 14 dekabrdagi «2020-2024 yillarda Farg'ona viloyatining Marg'ilon va Qo'qon shaharlarini kompleks ijtimoiy-iqtisodiy rivojlantirish bo'yicha qo'shimcha chora-tadbirlari to'g'risida»gi qarori ijrosini taminlash maqsadida tashabbuskor tadbirkor Dilshod Niyozov tomonidan Qo'qon shahar, Alisher Navoiy ko'chasi 70-A uyda zamonaviy sport-sog'lomlashtirish markazi qurib, foydalanishga topshirildi.

3 qavatli zamonaviy sport-sog'lomlashtirish markazining 1-qavati ayollar, 2-qavati esa erkaklar mashg'ulot olib borishi uchun mo'ljallangan bo'lsa, 3-qavatdan yakkakurashlarga ixtisoslashgan sport zali o'rin olgan.

Sport-sog'lomlashtirish markazida bir kunda jami 180 nafar kishi o'z salomatligini mustahkamlashi mumkin. Tashabbuskor-tadbirkor hamda sport fidoyisi Dilshod Niyozov tomonidan ushbu loyihaning amalga oshirilishi natijasida 16 ta yangi ish o'rni yaratildi.

Sport-sog'lomlashtirish markazini qurish va jihozlash ishlariga jami 5 milliard so'm mablag' sarflandi.