28 noy 17:10
Yangiliklar

Bolalar sporti

Qorasuv mahallasida zamonaviy suzish havzasi foydalanishga topshirildi

Poytaxtimizning Mirobod tumani Qorasuv mahallasi hududida qurib foydalanishga topshirilgan suzish havzasi ko'p ming sonli aholining quvonchiga sabab bo'ldi.

Yopiq turdagi zamonaviy suzish havzasining rasmiy ochilish marosimida ishtirok etganlar mazkur sport inshooti aholini suv sport turlariga qiziqishini oshirish bilan birga, mahoratli sportchi yoshlarning kamol topishiga xizmat qilishini takidladi.

Har jihatdan zamonaviy shart-sharoitlarga ega suv havzasida bir paytning o'zida 80 nafar kishi mashg'ulot o'tkazish imkoniyatiga ega bo'ladi. Bundan tashqari, suv havzasida suzish sport turi bilan shug'ullanishga ishtiyoqmand nogironligi bo'lgan shaxslar uchun ham zarur qulayliklar yaratilgani etiborli.