Qozog'iston bayroqdori Olimpiadadan so'ng faoliyatini yakunlaydi

Bu haqda Sports.kz sayti xabar berdi. Tokio Olimpiya O'yinlarining ochilish marosimida Qozog'iston bayroqdori sifatida ishtirok etgan atlet Olga Ripakova marosimdagi ko'rinishi sababli ko'pchilikning etiboriga tushgan edi. Engil atletikaning uch hatlab sakrash yo'nalishi bo'yicha o'zining to'rtinchi Olimpiadasida qatnashgan Ripakova afsuski, bu safar omadsizlikka uchradi.

Olga birinchi urinishda 13,66, ikkinchisida - 13,69 natija qayd etdi, lekin uchinchi urinishda muvaffaqiyatsizlikka uchradi. Olga uchta urinishdan so'ng kuchli 12 talikka kira olmadi va tabiiyki, final yo'llanmasidan quruq qoldi. SHundan so'ng sportchi faoliyatini yakunlashini elon qildi.

Etibor bering, Ripakovada uch hatlab sakrash bo'yicha Olimpiadaning barcha medallari bor: 2008 yilgi Olimpiadada kumush, 2012 yilgi Olimpiya o'yinlarida oltin va 2016 yilgi Rio Olimpidasida bronza. SHuningdek, u Osiyo o'yinlarida 4 ta oltin medalni qo'lga kiritgan.