Qozog'iston boks terma jamoasi murabbiyi shogirdlarining ketma-ket Olimpiadani tark etayotganiga munosabat bildirdi

Qozog'iston erkaklar terma jamoasi bosh murabbiyi Galim Kenjebaev Sports.kz internet-portaliga bergan intervyusida jahon chempioni Bekzad Nurdayletovning Olimpiadaning 1/8 finalida rossiyalik Imam Xataevdan mag'lub bo'lish sabablari, shuningdek, Abilayxan Jusupov, Serik Temirjanov va Vasiliy Levitning Olimpiadadan chiqib ketishi haqida gapirdi.

- Boks bo'yicha qozog'istonlik jahon chempioni birinchi jangdan so'ng Olimpiadani tark etdi…

- Bekzad zarba o'tkazib yubordi, hakamlar uni hisobladi. Albatta, jang qiyin bo'ldi. Birinchi raundni berib qo'ydi, ikkinchi raundda g'alaba qozondi, uchinchi raund teng kurash ostida bo'ldi. Bizning bokschimiz tashabbusni o'z qo'liga oldi, lekin o'sha erda hisob boshlandi, jang to'xtalishlar bilan bo'ldi... Rus - Bekzadning jiddiy raqiblaridan biri. Bunday vaziyatlar bo'lib turadi. Ushbu jang meni juda xavotirga soldi.

- Bekzad bo'y borasida ustunlikka ega edi, ammo rossiyalik bokschi yaqin masofaga kirib bordi, zarbalar yo'lladi...

- Men aytdim: zarbalar o'tkazib yuborildi, yondan berilgan zarbalarni ko'rmayapsan. Ko'rsatmalar to'g'ri edi – yo'nalish to'g'ri edi.

- Vasiliy Levitning mag'lubiyati haqida nima deya olasiz? 

- Nima bo'lsa, bo'ldi. Zarba o'tkazib yuborildi. Ko'rinishidan, unda allaqachon teskari jarayon boshlangan. Iordaniyadagi turnirdan so'ng u avvalgi holatiga kela olmadi, u bir qancha muammolarga duch keldi. Menimcha, bunda jismoniy va ruhiy jihat muhim rol o'ynadi.

- Abilayxan Jusupov amerikalik bilan teng kurashlar ostida jang o'tkazdi.

- U erda teng janglar o'tkazishilishi mumkin. Bu - Olimpiada . Yigitlar hamma narsani tushunishadi, biz o'zimizni engishimiz, oldinga intilishimiz, ularni ishlashga majbur qilishimiz zarurligini aytdim. Ular harakat qilishadi - lekin, ko'ryotganingizdek, ular qaerdadir zarba o'tkazib yuboradilar, ko'rmay qoladilar...

- Serik Temirjanov Jahon chempionati finalchisiga yutqazdi…

 - Serik o'z boksini ko'rsatdi - u ko'p narsaga qodir edi. Serik hali ham bunday yuqori darajadagi bokschilar bilan raqobatlasha oladigan pog'onadagi jangchi emas. Ushbu vazn toifasida bizda ozgina muammo bor. U o'tgan yili Qozog'iston chempioni bo'ldi, lekin bizda -57 kg vazn toifasi juda muammoli.

- Medallar uchun kurashni davom ettirayotgan boshqa bokschilarimizning kayfiyati qanday?

- Jangovar kayfiyatda. Biz barchasini to'g'irlaymiz. Olimpiadadagi barcha janglar jiddiy.