Qozog'istondagi yarim marafonda ikki ishtirokchi halok bo'ldi

Tez yordam kelgunga qadar ikkalasi ham vafot etgan va ularni jonlantirishning iloji bo'lmagan.

Oqqo'yan Irsaliev va Nurbol Ahmadi poygalarning doimiy ishtirokchisi bo'lib, yakshanba kuni 21,1 km masofaga kechgan poygada ham qatnashishgan.

2021 yildan buyon poygalarda muntazam ishtirok etib kelgan 84 yoshli Irsaliev birinchi kilometrda hushini yo'qotdi. Bir daqiqadan so'ng tez yordam mashinasi etib keldi, biroq uning tomir urishi yo'q edi va uni jonlantirish imkoni bo'lmadi. SHifokorning aytishicha, o'limning dastlabki sababi o'pka emboliyasi bo'lgan.

Ikkinchi qurbon, 21 yoshli Ahmadi poyganing 16-km masofasida yiqilib, shifokorlar etib kelguniga qadar vafot etgan. Dastlabki malumotlarga ko'ra, u o'pka emboliyasi va o'tkir yurak etishmovchiligi tufayli bu olamni tark etgan.

Tashkilotchilar marhumning yaqinlariga hamdardlik bildirib, ularning oila azolariga moddiy yordam ko'rsatishni rejalashtirishayotganini aytishdi.