Qozog'istonlik bokschi Tayson Fyuri bilan jang qilishi mumkin

Kuni kecha qozog'istonlik Jan Kosobukciy WBC International kamarini germaniyalik Xusseyn Muhammed bilan jangda muvaffaqiyatli himoya qilgan edi.

Kosobuckiyning promouteri Ismail Ozen-Otto Janning "lo'lilar qiroli" - Tayson Fyuri bilan jang qilishga tayyor ekanini aytdi.

Muhammed bilan jangdagi g'alabadan so'ng, Kosobukciy WBC reytingida kuchli beshlikka kirib oldi. Promouterning so'zlariga ko'ra, ularning kompaniyasi tashkilot prezidenti Maurisio Suleyman bilan yaxshi munosabatda va Fyuri bilan jang kelgusi yilda o'tkazilishi ehtimoli mavjud.

- Fyuri endi bizdan o'tib keta olmaydi, deya qo'shib qo'ygan Ismail Ozen-Otto.