21 jan 11:35
Yangiliklar

Tennis

Qozog'istonlik tennis malikasi Australian Open turniridagi ishtirokini yakunladi

Dunyoning ettinchi raketkasi bo'lib turgan Elena Ribakina uchun "Katta Dubulg'a" turkumiga kiruvchi Avstraliya Ochiq chempionati yakuniga etdi.

Qozog'istonlik tennis malikasi nimchorak finalda WTA reytingida 14-pog'onada borayotgan amerikalik Medison Kizga 3/6, 6/1, 3/6 hisobida imkoniyatni boy berib qo'ydi. Kiz tennischilarning o'zaro uchrashuvi hisobida ham oldinga chiqib oldi - 3:2.

Bir soatu 50 daqiqa davom etgan bahsda Ribakina 3, Kiz 4 ta eys zarbasini amalga oshirgan. Ikkala tennischi ham bir xilda - 6 tadan qo'shxatoga yo'l qo'ygan. Breyklar bo'yicha ustunlik Medison tomonida bo'ldi - 5 ga 4. Kiz faoliyatida to'rtinchi bor Australian Open 1/4 finaliga chiqdi. Endi u ukrainalik Elina Svitolinaga qarshi kortga chiqadi.