"Qudratli sichqoncha" UFC SHon-shuhrat Zaliga kiritiladi

"Qudratli sichqoncha" 2013 yilning yanvaridan 2017 yilning oktyabrigacha ketma-ket chempionlik unvonini himoya qilish bo'yicha UFC rekordini o'rnatgandi. U dunyoning eng kuchli ligasi SHon-shuhrat zaliga kiritilgan eng engil divizionning birinchi jangchisi bo'ladi.

"Demetrius Jonson - barcha davrlarning eng engil divizionidagi eng buyuk jangchisi. U MMAda ajoyib faoliyatga ega bo'lgan ajoyib chempion edi va uning ketma-ket o'n bir marta chempionlik kamarini himoya qilish seriyasi biz professional sportda ko'rgan eng tasirli rekordlardan biri bo'lib qolmoqda. Uni yozda SHon-shuhrat zaliga kiritish biz uchun sharaf", - dedi liga rahbari Dana Uayt rasmiy press-relizda.

2011 yilda amerikalik WEC ligasining qo'shib olinishi natijasida UFC`ga o'tdi va tashkilotda 18 ta jang o'tkazib, 15 g'alaba, 2 mag'lubiyat va bitta durang qayd etdi. 2012 yilda Demetrius Jonson engil vazn toifasida birinchi UFC chempioni bo'ldi va keyin 2018 yilda Genri Sexudoga yutqazgunga qadar kamarini o'n bir marta muvaffaqiyatli himoya qildi.

"Qudratli sichqoncha"ning UFC`dagi faoliyati 2018 yil oktyabr oyida kutilmaganda yakunlandi, u tashkilotlarning tarixiy kelishuvi doirasida ONE Championship`da Ben Askrenga almashtirildi.

39 yoshli Demetrius Jonson so'nggi jangini 2023 yilning may oyida o'tkazib, chempionlik trilogiyasining so'nggi bahsida braziliyalik Adriano Moraesni hakamlarning yakdil qarori bilan mag'lub etgan va o'ta engil vazn toifasida ONE chempionlik kamarini himoya qilgandi.