Queenʼs Club. Karlos Alkaraz maysali kortlardagi ilk sovriniga ega chiqdi

 Hal qiluvchi bahsda sayyoramizning ikkinchi raqamli tennischisi Karlos Alkaraz Avstraliya vakili Aleks De Minaurga qarshi kortga chiqdi. 1 soat 36 daqiqa davom etgan uchrashuvda Karlos Alkaraz raqibini 6:4, 6:4 hisoblarida taslim etdi va faoliyati ilk bor maysali kortlarda bo'lib o'tgan turnirning bosh sovriniga ega chiqdi. 

Ushbu g'alaba Karlos Alkarazga 500 reyting ochkosi va 477 ming evro olib keldi. Finalda mag'lub bo'lgan avstraliyalik tennischi esa 300 reyting ochkosi va 220 ming evroga ega bo'ldi.