Rafael dos Anos Islam Maxachevdan norozi

Avvalroq Uayt Islam Maxachev koronavirusga chalingan Rafael Fizievning o'rniga dos Anos bilan jang qilmoqchi ekanligini, ammo keyinchalik Maxachev jangni rad etganligini aytgandi.

“Haqiqat har doim yuzaga chiqadi!”, — deb yozadi Anos tvitterida UFC prezidentining so'zlaridan iqtibos keltirib.  

Ag Fight nashriga bergan intervyusida sobiq UFC chempioni Maxachev bilan o'z shartlariga ko'ra jang qilishga tayyorligini aytdi.

"Men bu yigitning ismini tilga olishni ham xohlamayman. Uning qilgan ishi haqiqatan ham hurmatsizlik edi. U internetda juda ko'p gapirdi. U yarim o'rta vaznda jang qilishga tayyorligini aytdi. Aslida, men allaqachon bu vaznda edim va uning shartlariga ko'ra jang qilishga rozi bo'ldim. Lekin, u qochib ketdi.  Endi u umuman gapirishga loyiq emas.

Islam yarim o'rta vaznda jang qilishni taklif qildi. Men esa shuning o'rtasini tanlagandim, lekin, yakunda 77 kilogrammga rozi bo'ldim. Ular javobni kechiktirishdi. Ertalab ular jangni qabul qilinganligini aytishdi. Men nonushtaga tayyor edim. Ammo bir soatdan so'ng ular rad javobini berishgani bildim va vazn haydashda davom etdim", - dedi Anos.

Eslatib o'tamiz, Rafael dos Anos va Renato Moykano o'rtasidagi jang Toshkent vaqti bilan 6 mart tongida Las-Vegasdagi UFC 272 turnirida bo'lib o'tadi.