24 sen 08:25
Yangiliklar

Boks/MMA

Ramazon Temirov AQSHga jo'nab ketdi + FOTO

O'zbekistonlik aralash yakkakurash ustasi Ramazon Temirov murabbiyi Jasur Alijonov hamrohligida Amerika Qo'shma SHtatlariga yo'l oldi.

U kuni kecha AQSH vizasini olgandi. Avgust oyida Ramazon faoliyatini UFC'da davom ettirishi malum bo'lgan edi. U ligadagi debyut jangini 13 oktyabr kuni AQSHda tashkil etiladigan UFC Fight Night turniri doirasida mezbonlar vakili Si Jey Vergaraga qarshi o'tkazadi.

Malumot uchun, Temirov MMAdagi faoliyati davomida hozirgacha turli promoushenlarda 19 ta jang o'tkazib, 17 g'alaba va 2 mag'lubiyat qayd etgan. Si Jey Vergara esa 12 g'alaba, 5 mag'lubiyat va 1 durangga ega. Vergara so'nggi jangini shu yil mart oyida UFC 299 turniri doirasida qozog'istonlik Assu Almabaevga qarshi o'tkazib, ochkolar hisobiga ko'ra mag'lub bo'lgan edi.