06 may 11:26
Yangiliklar

Boks/MMA

Ramazon Temirov Rizin promoushenida debyut qildi

Biroz avval Yaponiyada o'tkazilayotgan aralash yakkakurash bo'yicha Rizin 42 turniri doirasidagi biz uchun ahamiyatli jang yakunlandi.

Unda o'zbekistonlik ilk Rizin jangchisiga aylangan Ramazon Temirov yaponiyalik Yuta Xamamotoga qarshi oktagonga ko'tarildi. Jang birinchi raundning o'zidayoq referi tomonidan to'xtatildi. Temirov kuchli zarbalar evaziga raqibini nokautga uchrata oldi.

Bu Xamamoto uchun 8-jang bo'ldi. Uning hisobida 5 ta g'alaba bor edi. Bugun u uchinchi mag'lubiyatini qabul qilib oldi. Ramazon Temirov so'nggi jangini 21 noyabr kuni Naiza FC 48 turniri doirasida braziliyalik Kayk Alenarga qarshi o'tkazib, muddatidan avval g'alaba qozongan edi.