Ramazon Temirov UFC'dagi navbatdagi jangiga bokschilar bilan tayyorlanmoqda

U keyingi yilning mart oyida amerikalik CHarlz Jonson bilan to'qnash keladi.

"UFC`dagi ikkinchi jangim 2025 yilning 1 mart kuni bo'lib o'tadi. Ushbu bahsga tayyorgarlikni boshladim. Ilk mashg'ulotlarni har doimgidek bokschilarimiz bilan o'tkazyapman. Bu tayyorgarlikning birinchi bosqichi hisoblanadi. 

Keyingi bosqichda grepplingchilar bilan, kurashchilar bilan tayyorgarlik o'tkazamiz. Yanvar oyida AQSHga jo'nab ketishni reja qilyapmiz. Mashg'ulotlarning qolgan qismi aynan okean ortida o'tkaziladi", dedi Temirov.