Ramzan Qodirov Rossiya boks terma jamoasi bosh murabbiyini sayyoh deb atadi

Lebzyak bugun matbuotga bergan intervyusida Rossiya terma jamoasi bokschilarini sayyohga o'xshatib, yuragida o'ti yo'q, deb atagandi. Bosh murabbiyning bu bayonoti keng muhokamaga sabab bo'ldi.

“Natijaga bosh murabbiy javobgar bo'ladi. Buni unga o'rgatish shart emas. Bokschilarni jangga ruhlantirish va tayyorlash aynan uning vazifasi edi. Bokschilar emas, uning o'zi sayyoh”, - degan R.Qodirov.

Aleksandr Lebzyak Rossiya terma jamoasi Olimpiadaga kelishidan 25 kun avval o'z yordamchilari bilan istefoga chiqishi haqida ariza yozganini aytmoqda.

Eslatib o'tamiz, shu kungacha o'tkazilgan bahslarda Rossiya terma jamoasining to'rt nafar bokschisi mag'lubiyat alamini totib ko'rdi.