Rasman: Bellator Ligasi tugatildi!

Nufuzi jihatidan UFC`dan keyin turgan promoushen 17 yillik faoliyatdan keyin rasman tugatildi. Bu haqda PFL Ligasi rahbarlari xabar berishdi. Aynan PFL 2023 yilning noyabr oyida Bellator brendini "Paramaunt" kompaniyasidan sotib olgandi.

"PFL bir yil oldin Bellator MMA ligasini yuqori saviyali jangchilar rosteriga ega ekani uchun sotib olgandi. PFL brendi allaqachon "g'alaba qozon va harakatni davom ettir" formatining sinonimi hamda inovacion mahsulotga aylanib ulgurgan. PFL Ligasi buyuk MMA sportini o'rnak sifatida ko'rsatuvchi brend sifatida o'zini namoyon etib bo'lgan. Bundan buyon barcha musobaqalar PFL brendi ostida o'tkaziladi. Bellator brendi esa boy tarixi bilan hurmatga loyib bo'lib qolarveradi", - deydi PFL asoschisi va boshqaruv raisi Donn Devis.

Birlashgan tizim PFL Champions Series turnirlarini o'tkazadi. Hozircha Usman Nurmagomedov, Patrisio Freyre, Kori Anderson singari Bellator chempionlarining taqdiri nomalum. Ular PFL chempionlari deb yuritiladimi yoki PFL kamari uchun jang qilishadimi, bunisi ham malum emas.