26 may 13:36
Yangiliklar

Boks/MMA

Rasman! Dana Uayt yana bir qiziqarli jangni elon qildi

UFC promousheni tomonidan 29 iyun kuni AQSHning Las-Vegas shahrida o'tkaziladigan raqamli turnir uchun yana bir jang tasdiqlandi.

UFC 303 turniri doirasidagi ushbu jang yarimo'rta vazn toifasida Yen Machado Gerri va Maykl Peyj o'rtasida o'tkaziladi. Bu haqida shaxsan UFC rahbari Dana Uayt xabar berdi.

Malumot uchun, 37 yoshli Maykl Peyj shu yilning mart oyida Mayamida o'tgan UFC 299 turnirida Kevin Xollandni ochkolar hisobiga ko'ra mag'lubiyatga uchratgan edi. 26 yoshli Yen Machado Gerri esa shu yilning fevralida UFC`dagi ettinchi g'alabasini qo'lga kiritgandi. O'shanda u Anaxaymda o'tgan UFC 298 turnirida Jeff Nildan hakamlarning ayri qarori bilan ustun kelgan edi.

Ayni paytda Yen Machado Gerri yarimo'rta vazn toifasi reytingida ettinchi, Maykl Peyj esa o'n uchinchi o'rinni band etgan.