Rasman. LFA turnirida Mirafzal Axtamov emas, Humoyun To'xtamurodov jang qiladi. Raqib ham malum!

Avvalroq, musobaqada o'zbekistonlik aralash yakka kurash ustasi Mirafzal Axtamov ishtirok etishi haqida xabar bergandik. Biroq malum bo'lishicha, turnirda Axtamov emas, boshqa bir hamyurtimiz — Humoyun To'xtamurodov oktagonga ko'tariladi.

Humoyunga o'sha kuni Braziliya vakili Juliano Presendo raqiblik qiladi. Bahs asosiy kard dasturiga kiritilgan.

27 yashar Humoyun To'xtamurodov hisobida 14 ta g'alaba va 5 ta mag'lubiyat bor. 28 yoshli Presendo esa hozirga qadar 14 ta jang o'tkazib, 11 ta g'alaba va 3 ta mag'lubiyat qayd etgan.