Rasman: Movsar Evloev Brays Mitchellga qarshi jang qiladi

O'ta engil vazn toifasida rossiyalik UFC jangchisi Movsar Evloev (16-0) navbatdagi jangini qachon va kimga qarshi o'tkazishi malum bo'ldi.

Unga ko'ra, rus jangchisi 7 may kuni amerikalik Brays Mitchellga (15-1) qarshi oktagonga ko'tariladi. Jang Nyu-Jersida, UFC 288 turniri doirasida o'tkaziladi.

Aslida Mitchell 7 may kuni hamyurti Jonatan Pirs (14-4) bilan jang qilishi kerak edi. Ammo Pirs jarohat olgani bois uning o'rnini Evloev egalladi. Aslida Mitchell va Evloev jangi o'tgan yilning may oyida tashkillashtirilgan edi. Lekin o'sha paytda Movsarning jarohati jangning bekor qilinishiga sabab bo'lgan edi.

Eslatib o'tamiz, UFS 288 turnirining markaziy jangi eng engil vazn chempioni Aljemeyn Sterling hamda ikki vaznda sobiq chempion Genri Sexudo o'rtasida bo'lib o'tadi.