Rasman! Toni Fergyusonning navbatdagi jang tasdiqlandi + POSTER

Ketma-ket 7 ta jangda mag'lubiyatga uchragan El-Kukuy yoqimsiz seriyani buzishga urinib ko'radi. Amerikalik tajribali aralash yakkakurash ustasi 3 avgust kuni BAA poytaxti Abu-Dabi shahrida tashkil etiladigan UFC Fight Night turnirida Maykl Kezaga qarshi oktagonga chiqadi. Bu jangni UFC rahbari Dana Uaytning o'zi rasman tasdiqladi.

Eslatib o'tamiz, Toni o'tgan yilning dekabr oyida o'tgan UFC 296 turnirida angliyalik Peddi Pimblettga ochkolar hisobiga ko'ra imkoniyatni boy berib qo'ygandi. Bu Fergyuson uchun ketma-ket qabul qilib olingan ettinchi mag'lubiyat bo'lgan edi.  

Toni Fergyuson MMAdagi faoliyati davomida 26 g'alaba va 10 mag'lubiyat qayd etgan. Uning bo'lajak raqibi Maykl Keza esa oxirgi jangini o'tgan yilning iyul oyida UFC 291 turniri doirasida Kevin Xollandga qarshi o'tkazgandi. O'shanda Kevin birinchi raundning o'zidayoq Kezani bo'g'ish usuli bilan taslim etgan edi.