Rasman! UFC Sergey Pavlovichning jangini elon qildi

Rossiyalik aralash yakkakurash ustasi navbatdagi jangini surinamlik taniqli UFC jangchisi Jairzino Rozenstraykka qarshi o'tkazadi. Ushbu jang 1 fevral kuni Saudiya Arabistoni poytaxti Ar-Riyod shahrida tashkil etiladigan UFC Fight Night 250 turniri doirasida bo'lib o'tadi. 

Sergey Pavlovich shu yilning 22 iyun kuni o'tkazilgan UFC on ABC 6 turnirida hamyurti Aleksandr Volkovga qarshi oktagonga chiqqandi. Uch raund to'liq davom etgan hamyurtlar jangida Drago, yani Volkov ochkolar hisobiga ko'ra g'alaba qozongandiyu Bu Pavlovichning ketma-ket ikkinchi mag'lubiyati edi. Rozenstrayk esa Avstraliyada o'tgan UFC 305 turnirida Tay Tuivasadan hakamlarning ayri qarori bilan ustun kelgandi.