RASMAN: Xotambek Boynazarovning sobiq chempionga qarshi jangi tasdiqlandi + POSTER

O'rta vazn toifasidagi MMA jangchimiz Xotambek Boynazarov navbatdagi jangini 27 iyul kuni o'tkazishi haqida xabar bergan edik. Hamyurtimiz Abu-Dabida tashkil etilayotgan UAE Warriors 51 turnirida gruziyalik Giorgi Egnatashviliga (8-1-0) qarshi oktagonga chiqadi. Giorgi GFC ligasi sobiq chempioni hisoblanadi. Xotambek ushbu bahsda g'alaba qozonsa UFC'ga o'tish imkoniyatlari yanada ortishi taxmin qilinmoqda.

Malumot uchun, Xotambek hozirgacha sakkizta jang o'tkazib, ularning barchasida g'alaba qozongan. So'nggi jangini 2023 yil 26 avgust kuni Mikail Bayramga qarshi o'tkazib, nokaut orqali g'alaba qozongan. SHundan so'ng, Boynazarovning uchta jangi turli sabablar bilan bekor qilingan edi.

Uning raqibi Giorgi Egnatashvili esa hozirgacha to'qqizta jangda qatnashgan va sakkizta g'alaba, bitta mag'lubiyat qayd etgan.