Rasmiy xabar: O'zbekistonlik UFC jangchisi taqiqlangan modda qabul qilgani uchun ikki yilga chetlatildi

Hamyurtimiz Liliya SHakirova UFC promoushenidan ikki yilga chetlatildi. Bu haqida antidoping tashkiloti USADA rasman xabar berdi. 

USADA`ning malum qilishicha, Liliya SHakirovaning test namunalaridan meldoniy moddasi topilgan. Ushbu modda har doim USADA tashkilotining taqiqlangan moddalar ro'yxatida bo'lgan. 

Bayonotda malum qilinishicha, har bir jangchi doping testi topshirish paytida, so'nggi 12 oy davomida istemol qilgan taqiqlangan moddalarini alohida deklaraciya to'ldirgan holda malum qilishi lozim. Agarda uning qon tarkibidan ushbu deklaraciyada ko'rsatilgan moddalar topilgan taqdirda ham jangchi aybdor deb hisoblanmaydi. SHunchaki, moddaning turiga qarab, u tanadan chiqib ketmaguncha janglarga qo'yilmaydi va qaytadan test topshiradi. 

Liliya SHakirova esa, yuqorida takidlangan deklaraciyani to'ldirish chog'ida meldoniy moddasi haqida biror malumot ko'rsatmagan. Bu esa jangchini ikki yilga chetlatilishiga sabab bo'lgan.

Taqiqlangan modda Liliya SHakirova 2020 yilning 5-dekabrida topshirgan namunalaridan topilgan. Diskvalifikaciya muddati aynan ushbu sanadan boshlab hisoblanadi va ikki yil amalda bo'ladi.

Eslatib o'tamiz, Liliya SHakirova 2020 yilning oktyabr oyida UFC`da debyut jangini o'tkazgandi. UFC 257 doirasida o'tkazilgan o'sha jangda hamyurtimiz Lauren Myorfiga mag'lub bo'lgandi.