Rasmiylar MOQning hududiy vakillari bilan ustuvor rejalarni muhokama qilishdi

Sport vazirligi va MOQ rahbariyati Respublikamizning barcha mamuriy hududlaridan kelgan vakillar bilan uchrashdi.

Uchrashuvda hududlarda Olimpiya harakatini rivojlantirishga doir ustuvor vazifalar, ularning ijrosi va infratuzilmaviy muammolar muhokama qilindi. Samimiy muhitda o'tgan muloqot davomida har bir vakil o'z hududida sport infratuzilmasining bugungi holati, o'z oldiga qo'ygan reja va maqsadlari haqida gapirib o'tdi.

MOQ raisining birinchi o'rinbosari Otabek Umarov hududlar faoliyatini kuchaytirishda Xitoy kabi etakchi sport davlatlarining tajribasini o'rganish, shu bilan birga, iqtidorli yoshlarga o'z qobiliyatlarini namoyon etish uchun imkoniyat yaratish kabi yo'nalishlardagi takliflarni ilgari surdi.

Tadbir davomida har bir hududiy bo'limning ishini samarali tashkil etish, muammo va kamchiliklarni chuqur tahlil qilish, shuningdek, ularni bartaraf etish mexanizmlarini ishlab chiqish lozimligi takidlandi.