"Real Madrid" Kroosga o'rinbosar topdi

Hozirda "Bayer"da o'zining yorqin o'yinlari bilan mutaxassis va muxlislar etiborini tortib ulgurgan futbolchi 2025 yil yozida Madridga ko'chib o'tishi mumkin.

Florentino Peresning rejasiga ko'ra, Virc tajribaliroq hamyurti Toni Kroosning uzoq yillik va to'laqonli o'rinbosari bo'lishi kerak. Kroos "Real" bilan shartnomasini 2025 yilga uzaytirganiga qaramay, kelasi mavsum germaniyalik uchun Madridda so'nggisi bo'lish ehtimoli yuqori. SHunday qilib, boshqa bir germaniyalik bevosita uning o'rnini egallaydi.

21 yoshli Vircning "Bayer" bilan amaldagi shartnomasi 2027 yilgacha mo'ljallangan. Joriy mavsum u 45 o'yinda 18 ta gol urib, 19 ta golli uzatma etkazib berdi. Xabi Alonsoning chempion "Bayer"ida u - muhim figuralardan biri.