"Real" Xabi Alonso bilan barcha narsani kelishib oldi

Bu haqda insayder Fabricio Romano xabar berdi.

Manbaga ko'ra, 43 yoshli ispaniyalik mutaxassis "qaymoqranglilar" bilan 2028 yilgacha mo'ljallangan mehnat shartnomasini imzolagan. Alonso 2025 yilgi Klublar o'rtasidagi Jahon chempionati boshlanishidan oldin rasman bu lavozimga kirishishi aytilmoqda.

"Real"ning hozirgi bosh murabbiyi 65 yoshli Karlo Anchelotti bo'lib, u 2021 yildan buyon jamoani boshqarib kelmoqda. Aytish joizki, "Qirollik klubi" joriy mavsum italiyalik bosh murabbiy qo'l ostida birorta sovrinni yutolmadi.