Reyting karvonboshisi Davlat Bobonov 10 000 dollarga ega bo'ldi

IJF shu yo'l bilan 14 ta vazn toifasida Olimpiada yilini birinchi o'rinda yakunlagan dzyudochilarni taqdirlashga qaror qildi. O'n ming dollarga ega chiqqanlar orasida Tokio Olimpiadasining bronza medali sovrindori Davlat Bobonov ham bor. Hamyurtimiz -90 kg vazn toifasi reytingida birinchi o'rinni egallab turibdi.   

Etiborga molik jihati shundaki, dzyudo vatani hisoblangan Yaponiyadan hech kim o'z vaznida 2021 yilni peshqadam sifatida yakunlay olmagan. Reyting karvonboshisi sifatida pul mukofotiga to'rt francuz, ikki nafardan gruzin, rus va kosovolik, bir nafardan Xitoy Taypeyi, Janubiy Koreya, Xorvatiya va O'zbekiston vakili ega bo'lgan. 

2021 yil reyting peshqadamlari:

Erkaklar

-60 kg: Yang Yung Vey (Xitoy Taypeyi) 5140 ochko

-66 kg: An Baul (Janubiy Koreya) 5240 

-73 kg: Lasha SHavdatuashvili (Gruziya) 5475 

-81 kg: Tato Grigalashvili (Gruziya) 6592 

-90 kg: Davlat BOBONOV (O'zbekiston) 7536

-100 kg: Arman Adamyan (Rossiya) 5420 

+100 kg: Tamerlan Bashaev (Rossiya) 6250 

Ayollar

-48 kg: Distria Krasniki (Kosova) 5920 

-52 kg: Amandin Bushar (Franciya) 5890 

-57 kg: Nora Gjakova (Kosova) 5880 

-63 kg: Klarisse Agbegnenou (Franciya) 7200 

-70 kg: Barbara Matich (Xorvatiya) 5595 

-78 kg: Madelin Malonga (Franciya) 5940

+78 kg: Roman Diko (Franciya) 6450

Malumot uchun, 2022 yilgi dzyudo mavsumi Portugaliya Gran-prisi bilan boshlanadi. Odivelash shahri mezbonlik qiladigan ushbu turnir 28-30 yanvar kunlari bo'lib o'tadi.