Ringda bokschi va ayiq

Bu ko'pchilikni, ayniqsa, amerikaliklarni larzaga solgan edi.

Holbuki, ko'pchilik XIX asrning o'rtalaridayoq odamlarning ayiqlar bilan boks tushishi juda ommalashganidan bexabar ekan. CHunki 1877 yildayoq AQSHda birinchi marta ringda odam bilan ayiq o'rtasida jang o'tkazilgan ekan. Rinnga chiqqan o'rgatilgan ayiqning tishlari va tirnoqlari sug'urib olingan va u tumshuqbog'da bo'lgan. Ana shunday boks janglari hammani hayratga solar va odatda Amerikada cirk tamoshalari sifatida ko'rilardi.

Bazan o'rgatilgan ayiqlar bilan hatto tamoshabinlarni boks tushirishardi. Biroq yovvoyi hayvonlar bilan boks tushish nihoyatda xavfli bo'lgan. Masalan, Lyusen Mark AQSHning Cincinnati shahrida ana shunday jangda boshmaldog'idan ajralgan, 1878 yilda esa Lena laqabli ayiq ringda Jan Fransis Bornni o'ldirgan.

SHunga qaramasdan, 1937 yilda Nyu-Yorkda bokschi bilan ayiq o'rtasida birinchi marta professional boks jangi o'tkazilgan. Juda ko'p tamoshabinlar kuzatgan bu janggni referi boshqargan va yon hakamlar tayinlangan. Ringga Gus Uoldorf chiqqan. Jang juda qisqa, ammo nihoyatda qiziqarli o'tgan. Birinchi raundda Gus ayiqni nokdaun qilgan. Lekin ayiq tez orada o'ziga kelib, ikkinchi raundda bokschini nokaut qilgan.