Rishtonda belbog'li kurash bo'yicha o'smirlar o'rtasida O'zbekiston chempionati o'tkazilmoqda

O'zbekiston Respublikasi jismoniy tarbiya va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur chempionatda mamlakatimizning barcha hududlaridan 200 nafardan ortiq yosh polvonlar ishtirok etishmoqda.

Ushbu musobaqada dastlab, ochilish marosimi tashkil etildi. Tabrik uchun so'z olgan O'zbekiston belbog'li kurash federaciyasi raisi Ravshan Dastirov va boshqalar mamlakatimizda keyingi yillarda jismoniy tarbiya va sportning aholi orasida ommaviyligini taminlashga, sport turlariga, xususan, milliy sport turlariga  alohida etibor qaratilayotgani haqida takidlab, sportchilarga musobaqada muvaffaqiyat  tilashdi.

SHu tariqa o'smirlar o'rtasidagi mazkur chempionatga start berildi.

Takidlash joiz, ushbu bellashuvlarda o'g'il bolalar belbog'li kurashning erkin va klassik yo'nalishlarida 11 ta vazn toifasida o'zaro kuch sinashishsa, qizlar erkin yo'nalishda 7 ta vaznda g'oliblik uchun kurash olib borishadi.  

Ilhom RAHMONOV tayyorladi