Robert Uittaker CHimaevdan gapiga izoh so'radi

Avstraliyalik aralash yakkakurash ustasi CHimaevning o'rniga jang qilgan rossiyalik Ikram Aliskerovni birinchi raunddayoq nokautga uchratgandi. O'sha jangdan keyin Xamzat Robertga "tez orada ko'rishamiz" degandi. 

"Tez orada ko'rishamiz deyapsan, lekin qachon va qaerda? Sen hech qaysi bir davlatga etib borolmaysan-ku! Qaerda men bilan ko'rishmoqchisan?", - deya kulgu aralash CHimaevga murojaat qilgan Uittaker o'zining podkastida.

SHu bilan bir qatorda Robert UFC agar "Borz" bilan jangni qayta belgilasa, bunga qarshi bo'lmasligini ham aytdi.

"Men o'zim janglarimni belgilamayman. Agar chindan ham UFC`ga bu jang kerak bo'lsa, men bunga tayyorman", - dedi Uittaker 

SHuningdek, Robert Uittaker 17 avnust kuni Avstraliyaning Pert shahrida o'tkaziladigan UFC 305 turnirida Drikus Dyu Plessi - Israel Adesanya jangiga zaxira variantni bo'lish istagi yo'qligini ham aytib o'tdi. 

"Pertda jang qilish istagim yo'q. Rejam bo'yicha yilning oxirgi uch oyida – oktyabr, noyabr yoki dekabrda oktagonga chiqmoqchiman", - deya so'zlariga yakun yasadi Uittaker.