Rossiya vs Jahon yulduzlari. Hasanboy, Iqbol va Lazizbek ringga chiqdi

Ushbu boks oqshomida Rossiya terma jamoasi Jahon terma jamoasi yulduzlariga qarshi bahs olib bordi. Jahon terma jamoasi safida o'zbekistonlik uch nafar charm qo'lqop ustasi ham ringga ko'tarildi. Janglar uch daqiqadan iborat besh raund davom etdi. 

Rio Olimpiadasi chempioni Hasanboy Do'smatov mezbonlar vakili Tamir Galanovni hakamlarning bir ovozdan bergan bahosiga ko'ra ochkolar hisobi bo'yicha mag'lub etdi. Iqboljon Xoldorov esa teng kurashlar ostida kechgan jangda SHaxabas Mahmudovga imkoniyatni boy berib qo'ydi. +91 kg vazn toifasida ringga chiqqan Lazizbek Mullajonov Ivan Veryasovga yutqazdi. 

Umuman olganda, Jahon terma jamoasi tarkibida faqat ikki bokschi g'alabaga erishdi. Hasanboy Do'smatovdan tashqari -75 kg vazn toifasida kubalik Osli Iglesias Estrada mezbon bokschi Gleb Bakshidan ustun keldi. Qolgan barcha vaznlarda rossiyalik charm qo'lqop ustalari zafar quchishdi.

Rossiya terma jamoasi - Jahon terma jamoasi 6:2

-57 kg: Albert Batirgaziev (Rossiya) - CHatchai Budti (Tailand)

-69 kg: SHaxabas Maxmudov (Rossiya) -  Iqboljon Xoldorov (O'zbekiston)

-75 kg: Gleb Bakshi (Rossiya) - Osli Iglesias Estrada (Kuba)  

-63 kg: Aleksey Mazur (Rossiya) - Oganes Bachkov (Armaniston)

-81 kg: Imam Xataev (Rossiya) - Xulio Sezar de la Krus (Kuba)

-52 kg: Tamir Galanov (Rossiya) - Hasanboy Do'smatov (O'zbekiston)

-91 kg: Muslim Gadjimagomedov (Rossiya) - Erislandi Savon (Kuba)

+91 kg: Ivan Veryasov (Rossiya) - Lazizbek Mullajonov (O'zbekiston)