Rossiyada to'rtta medal qo'lga kiritgan sambochilarimiz O'zbekistonda tantanali kutib olindi + FOTO

Musobaqada jahonning 21 mamlakatidan 80 nafarga yaqin sportchi sovrinli o'rinlar uchun kurash olib bordi. Mukofot jamg'armasi 189 ming AQSH dollarini tashkil etuvchi bahslarda o'zbekistonlik sambochilar ham ishtirok etib, 4 ta kumush medal qo'lga kiritishdi. 

Musobaqada qatnashgan terma jamoamiz vakillarimiz bugun ertalab yurtimizga qaytib kelishdi. Sportchilarimiz Islom Karimov nomidagi Toshkent xalqaro aeroportida sport jamoatchiligi tomonidan tantanali ravishda kutib olindi.  Kutib olish marosimida O'zbekiston turizm va sport vazirligi, O'zbekiston Ichki ishlar vazirligi, Milliy gvardiyasi va O'zbekiston sambo associaciyasi xodimlari ishtirok etishdi.  

Eslatib o'tamiz, bahslarda terma jamoamiz vakillari ichida Homidjon Mo'minov (-64 kg), Sarbon Ernazarov (-71 kg), Ulug'bek Rahmonov (-79 kg) va Ixtiyor Eshmurodov (-88 kg) finalgacha etib borib, yakunda kumush medalga sazovor bo'lishdi.

O'zbekiston sambo associaciyasi matbuot xizmati