23 iyu 12:16
Yangiliklar

Boks/MMA

Rossiyalik aralash yakkakurash ustasi Bellator chempioni bo'ldi

Irlandiya poytaxti Dublin shahrida navbatdagi Bellator turniri bo'lib o'tdi.

Bellator Champions Series oqshomi doirasida yarimo'rta vazn toifasida yangi chempion kashf etildi. Mag'ubiyat nimaligini bilmay kelayotgan rossiyalik Ramazan Kuramagomedov endilikda yamaykalik sobiq chempion Jeyson Jeksonni taslim etdi. Besh raund to'liq davom etgan jangda uchchala hakam ham 48-47 hisobidagi g'alabani Ramazanga bergan.

SHu tariqa, Ramazan Kuramagomedov MMAdagi 13-jangiga kelib Bellator chempionlik kamarini qo'lga kiritdi. Dublindagi turnirda rossiyaliklardan Hasan Magomedsharipov va Kasum Kasumov ham zafar quchishdi. Ular mos ravishda Tayler Metison va Mateus Mattosdan ochkolar hisobiga ko'ra ustun kelishgan.