05 iyu 09:01
Yangiliklar
Roy Jons qaysi shartlar evaziga Fedor Emelyanenko bilan jang qilishga rozi bo'lishini aytdi
2021 yili Jons va Fedor ko'rgazmali jang qilishga tayyorligini aytishgandi. Juma kuni Emelyanenko yana bir bor o'z istagini tasdiqladi: "Eshitdim, Roy men bilan jang qilmoqchi ekan. Yomon g'oya emas, bu menga ham qiziq tuyulmoqda".
- Ha, qiziqishlar bor, biroq, albatta, pullar bilan barchasi joyida bo'lishi kerak. Ikki afsonani ringga tashlab qo'yib, kam maosh to'lashdan esa mantiq yo'q, - dedi Jons "Match TV"ga bergan intervyusida Fedorning gaplariga javob sifatida.
Bir oylar muqaddam Jons "Match TV" bilan suhbatda: "Fedor bilan faqatgina katta pullar evaziga jang qilishim mumkin. CHunki anchagina qaridim, charchab qoldim", deb malum qilgandi. Kichik Roy Jons hali biror marta boksdagi faoliyatini yakunlaganini malum qilgani yo'q. Biroq u moliyaviy tomondan qanoatlantirilsagina boksga tushishini aytmoqda.
To'rt vazn toifasiga ko'ra sobiq chempionning hisobida 66 g'alaba (47 nokaut) va 10 mag'lubiyat bor. Jons o'zining so'nggi jangini 2021 yilning noyabrida o'tkazgan va shu ham ko'rgazmali jang bo'lgandi. O'shanda u Mayk Tayson bilan durang qayd etgandi. Aprel oyida esa u UFC sobiq chempioni Entoni Pettisga mag'lub bo'ldi.
46 yoshli Fedor Emelyanenko esa MMAda 40 g'alaba va 7 mag'lubiyat qayd etgan. Fevral oyida u Rayan Beyderga mag'lub bo'ldi va faoliyatini yakunlaganini elon qildi.
Fikrlar