11 iyu 16:11
Yangiliklar

Boks/MMA

Ruslan CHagaev hozir qaerda?

Professional boksning superog'ir vazn toifasida WBA (Regular) yo'nalishi chempionlik kamarini qaytarib olgan hamyurtimiz Ruslan CHagaev ayni paytda nima bilan band?

Malumki, CHagaev shu yilning 5 mart kuni Grozniy shahrida o'ziga tegishli bo'lgan chempionlik kamarini avstraliyalik Lukas Braunga boy berib qo'ygandi. Lekin Braunning qon tarkibida taqiqlangan modda aniqlangani bois, jang o'tkazilmagan, deb topilib, chempionlik unvoni yana bokschimizga qaytarilgandi.

Bizga xabar berishlaricha, Ruslan CHagaev ayni paytda AQSHning Mayami shahrida oilasi bilan birga bo'lib turibdi. U yozning harorartli kunlarida xordiq chiqaryapti.

Rejaga ko'ra, u chempionlik kamariga rasmiy davogar Fres Okendoga qarshi ringga ko'tarilishi kerak. Bu bokschini u 2014 yili aynan Grozniyda bo'lib o'tgan jangda mag'lubiyatga uchratgan va hozirgi chempionlik kamarini qo'lga kiritgandi.