Rustam Qosimjonov Evro-Osiyo turnirida 12-o'rinni egalladi

Unda jami 104 nafar sportchi ishtirok etdi. Ularning 62 nafari grossmeyterlardir. Yigirma ikki partiyadan iborat turnirda yurtimizning  ko'zga ko'ringan vakillari ham ishtirok etishdi.

Ular orasida Rustam Qosimjonov, Jahongir Vohidov, Tohir Vohidov kabi etakchi sportchilarimizni takidlash o'rinli. SHveycarcha tizimda o'tkazilgan turnir yakunida tojikistonlik Farrux Amanotov 16 ochko bilan qo'shimcha ko'rsatkichlarga ko'ra bosh sovrinni qo'lga kiritdi.

Etiborlisi, u dunyo reytingida etakchilar safida borayotgan ozarboyjonlik SHaxriyor Mamadiyorovni ikki bor mag'lub etdi. SHuncha ochko jamg'argan rossiyalik grossmeyster Yan Nepomnyashiy esa ikkinchi o'rinni band etdi. Peshqadamlardan yarim ochko ortda qolgan gruziyalik Baadur Jobava kuchli uchlikka yakun yasadi.

Vakillarimiz orasida eng yaxshi natijani 14 ochko jamg'argan Rustam Qosimjonov qayd etdi – 12-o'rin. Bu borada Ruslan Ponomaryov, Rauf Mamedov, SHaxriyor Mamadiyorov, Van Xao, Aleksandr Girishuk kabi jahonning etakchi grossmeysterlari yanada quyi o'rinlardan joy olishdi.

Musobaqa g'olibiga 30 ming AQSH dollari, ikkinchi o'rin sohibiga esa 20  ming dollar taqdim etildi.