Sabina Davlatova: "O'zbekiston sambo associaciyasi tayyorgarlikka alohida etibor qaratmoqda"

"Tayyorgarlik jarayoni juda yaxshi o'tmoqda. O'zbekiston sambo associaciyasi rahbariyati, shaxsan rais Alisher Alimovning o'zlari tomonidan bizga etibor qaratilmoqda. Kuniga ikki mahal mashg'ulotlar olib bormoqdamiz. Mashg'ulot jarayoni ham qiziqarli tarzda tashkil etiladi. Bu o'z navbatida sportchining mashg'ulotlardan zerikmasligini taminlaydi. CHunki har kuni turlicha, qiziqarli mashqlarni bajaramiz. 

Har bir sambochining maqsadi bitta - O'zbekiston shanini munosib himoya qilish. Ushbu jahon chempionatida O'zbekiston bayrog'ini baland ko'tarmoqchimiz. O'zbekiston - mening Vatanim va oilam. Maqsadim - ularni himoya qilish. 

Men ilk marotaba jahon chempionatida qatnashaman. SHunday bo'lsada, qaysi davlat vakillari kuchli va tajribali ekanligini bilaman. O'zbekiston terma jamoasiga asosan rossiyalik samochilar raqiblik qilishadi. 

Jahon chempionatining O'zbekistonda o'tkazilishi katta voqea. Ushbu musobaqada barcha jamoadoshlarimizda hayajon katta bo'lsa kerak deb o'ylayman. Nasib bo'lsa, barchangizni ishonchingizni oqlaymiz", - dedi Sabina Davlatova.

O'zbekiston sambo associaciyasi matbuot xizmati