Sambo. Jahon chempionati qahramonlariga qanchadan pul mukofoti taqdim etildi?

Toshkent xalqaro aeroportidagi tantanali kutib olishdan so'ng sambochilarimiz maxsus tadbirda ishtirok etishdi. Unda shuningdek O'zbekiston Turizm va sport vaziri o'rinbosari Avaz Karimov, Milliy olimpiya qo'mitasi bosh kotibi Oybek Kasimov, Osiyo sambo uyushmasi prezidenti Alamjon Mullaev, O'zbekiston sambo associaciyasi raisi Alisher Alimov, sportchi va murabbiylar, sportchilarning yaqinlari va OAV xodimlari qatnashishdi.

Tadbir davomida so'zga chiqqanlar sambo sporti O'zbekistonda yanada rivojlanayotgani, ko'rsatilayotgan etibor o'z samarasini bera boshlaganini takidlashdi. Sambo Osiyo o'yinlarida O'zbekiston delegaciyasiga medal taqdim etuvchi asosiy sport turlaridan biri ekanligi takidlandi. Yaqin kelajakda sambo Olimpiya o'yinlari dasturiga ham kiritilishiga tilakdosh ekanliklarini qayd etishdi.

SHundan so'ng, JCH qahramonlariga pul mukofotlari topshirildi. Unga ko'ra, oltin medal sohiblariga 10 million so'm, kumush va bronza medal sohiblariga mos ravishda 5 million va 3 million so'mdan pul mukofotlari sertifikati taqdim etildi.