03 okt 22:44
Yangiliklar

Sambo

Sambochilarimiz "Tatariston Prezidenti kubogi"da uchta medal qo'lga kiritishdi

Teglar : Sambo

Rossiya Federaciyasi Tatariston Respublikasi Qozon shahrida sambo bo'yicha xalqaro "Tatariston Respublikasi Prezidenti kubogi" musobaqasi bo'lib o'tdi.

Avvalroq, to'rtinchi marotaba tashkil etilayotgan ushbu musobaqada o'zbekistonlik sambochilar ham ishtirok etishi haqida xabar berib o'tgandik. Bellashuvlarda 15 mamlakatdan 207 nafar sportchi sovrinli o'rinlar uchun kurash olib bordi.

Turnir yakuniga ko'ra, uch nafar sambochimiz medal qo'lga kiritdi.

-79 kg vazn toifasida yurtimiz sharafini himoya qilgan Firdavs Xojimamatov finalgacha etib bordi va kumush medalga sazovor bo'ldi. -98 kg vaznli sambochimiz Nemat Yoqubov ham musobaqaning kumush medali egasiga aylandi. Jangovar sambo bahslarida esa -71 kg vaznli hamyurtimiz Sanat Ismanov bronza medali bilan yurtimizga qaytadigan bo'ldi.

O'zbekiston sambo associaciyasi matbuot xizmati