03 apr 18:17
Yangiliklar

Saul Alvares Meksika boksining o'zidan keyingi superyulduzi kim bo'lishini aytdi
Yaqindagina 23 yoshga to'lgan Marko Verde bir oydan keyin professional ringda debyut jangini o'tkazadi. Saul Alvaresning fikricha, aynan Verde o'zi faoliyatini yakunlaganidan keyin Meksikaning eng mashhur bokschisiga aylanadi.
"Bizda yosh, istiqboli porloq bokschilar juda ko'p. Lekin ular orasida Marko Verde ajralib turibdi. Bu mening shaxsiy fikrim va tanlovim. Bu yigitcha Meksika boksining kelajagi. Bunga ishonchim komil. Marko qatiy intizom hamda ulkan salohiyatga ega. Men unda ana shu jihatlarni ko'rdim", — dedi Kanelo Fight Hype nashriga bergan intervyusida.
Malumot uchun, 23 yoshli Marko Verde 71 kg vaznda Parij-2024 Olimpiadasining kumush medali sovrindori hisoblanadi. Marko 3 may kuni Saudiya Arabistonidagi prof boks oqshomida debyut jangini o'tkazadi. Ushbu oqshomning asosiy jangi Saul Alvares va Uilyam Skull o'rtasida bo'lib o'tadi. Verdening otasi ham bokschi bo'lgan, u 1992 yilgi Barselona Olimpiadasida ishtirok etgan.
Fikrlar