SHahram G'iyosov navbatdagi g'alabaga qadar Instagrammga kirmoqchi emas

"Olimpiadadan keyin uch oydan ziyod vaqtimizni turli xil tadbirlar uchun sarf qildik va O'zbekistonning barcha viloyatlarini aylanib chiqdik. Deyarli har bir kun qandaydir tadbir yoki kimgadir intervyu berish bilan o'tdi. Natijada shu vaqt davomida mashg'ulot o'tay olmadik.

Faqatgina yangi yildan keyin mashg'ulotlar uchun qo'l bo'shadi. Bor-yo'g'i bir oygina tayyorgarlik esa professional sportchilar uchun kamlik qiladi. Aytishim kerak, biz Qozog'istondagi musobaqaga tayyor emasdik.

SHahzodaning klipida suratga tushishim uchun ikki kungina vaqtim ketdi. SHunga ham syomkaga mashg'ulotlardan keyin bordim.

Mag'lubiyatimdan keyin shu qarorga keldim: sportchi uchun tadbir, to'y-tomosha, klipda suratga tushish, internetda o'tirish yaramas ekan. Endi faqat va faqat mashg'ulotlar bilan band bo'laman. To keyingi g'alabamni qo'lga kiritmagunimcha Instagram’ga ham kirmayman. Meni intervyuga chaqirganlarga ham uzrimni aytaman.

Muxlislar mashg'ulotlardan to'g'ridan-to'g'ri efir qiling, uni ko'rmoqchimiz, nima tanovvul qilayotganingizni bilishni istaymiz deb so'rayvergani uchun ularning iltimosini erda qoldirmasdim. Meni kuzatib boradiganlar bilan muloqatdan qochmasdim.

Engilganimdan keyin esa xuddi o'sha kishilar Instagramga kamroq kirib, ko'proq mashq qilishim kerakligini uqtira boshladi. Tushuna olmay qoldim.

Ko'plab o'zbekistonliklar bokschilarimiz Qozog'istonda nokautga uchrabdi deb o'ylaganini eshitdim. Bu noto'g'ri malumot. Ringda sirpanib ketgan vaqtimdagi surat hech narsa emas, oramizdan hech kimga nisbatan hisob ochilgani yo'q", - deb aytib o'tdi Olimpiada sovrindori daryo.uz saytiga bergan intervyusida.