SHara Bulletning navbatdagi jangi, sanasi va manzili malum

O'rta vazn toifasida o'z janglarini o'tkazib kelayotgan SHara Bullet 26 oktyabr kuni BAA poytaxti Abu-Dabi shahrida tashkil etilayotgan UFC 308 turniri doirasida armanistonlik Armen Petrosyanga qarshi oktanonga ko'tariladi.

SHarabutdin Magomedov shu oy aynan Abu-Dabida o'tgan UFC on ABC 7 turnirida polshalik Mixal Oleksiychukni ochkolar hisobiga ko'ra mag'lubiyatga uchratgan edi. Bu uning UFC promoushenida qo'lga kiritgan uchinchi g'alabasi bo'lgandi. 

Armen Petrosyan esa aksincha, shu yilning fevral oyida Rodolfo Vieyraga yutqazib qo'ygandi. Braziliyalik aralash yakkakurash ustasi birinchi raundning o'zida uchburchak usulida raqibini bo'g'ibqo'ygandi.

Eslatib o'tamiz, UFC 308 turnirining markaziy jangi yarimengil vaznda amaldagi divizion chempioni Iliya Topuriya hamda ushbu kamarning sobiq chempioni Maks Xollouey o'rtasida bo'lib o'tadi.