SHavkat Mirziyoev qarori yuzasidan Olimpiya shon-shuhrati muzeyida davra suhbati bo'lib o'tdi (video)

Mazkur qarorda sportchi va murabbiylar faoliyatini tubdan takomillashtirishga doir qator chora-tadbirlar belgilab berilgan. Xususan, sportchilarning katta sportdan keyingi faoliyati davomida jamiyatning faol azosi bo'lishi uchun Harakatlar dasturining ishlab chiqilishi, mamlakat sharafini xalqaro maydonlarda munosib himoya qilgan sportchilar va ularning murabbiylariga bir martalik, oylik va umrbod to'lovlar tizimining joriy etilishi sport jamoatchiligi vakillarini xursand qildi.

Prezident qarorida “sportchi” lavozimining joriy etilishi haqida alohida ko'rsatib o'tilgan. Jismoniy tarbiya va sport qo'mitasi mutasaddilarining so'zlariga ko'ra, bu terma jamoalarga azo bo'lgan sportchilargagina tegishli bo'ladi. Qizg'in bahs-munozaralarga boy bo'lgan uchrashuv davomida sportchi va murabbiylar, jurnalistlar o'zlarini qiziqtirgan savollarga javob olishdi. “Sport” telekanali tomonidan yozib olingan mazkur tok-shou yaqin kunlarda muxlislarga taqdim etiladi.