SHavkat Raxmonovning jamoadoshi UFC reytingi peshqadami chaqiruviga javob berishdi

— Bir qarasang Bakli chaqiruv tashlaydi, keyin Maddalena. Rostini aytsam, hozircha SHavkatning janglari bo'yicha aniq malumot yo'q. Na jamoada, na menejer Sayatda. Hech qanday taklif ham, sana ham yo'q.

Maddalena bilan jang esa yaxshi variant, u sobiq chempion. Qiziq bo'lardi. Uning imkoniyatlari qanday? Bu — MMA, pancherda har doim imkoniyat bo'ladi. Maddalenaning boksi yaxshi, kurashdan himoyasi ham yaxshi. Menimcha, u himoyani Islam bilan janggacha yaxshi ko'rsatayotgan edi.

Mening fikrimcha, Maddalena Islamga qarshi jang oldidan juda qattiq hayajonlandi. Face to face marosimidayoq bu ko'rinib turgan edi. Jangda u o'ziga ishonchsiz harakat qildi, ochila olmadi va deyarli butun jangni Islamning tagida o'tkazdi. Maxachev ishonchli, dominant uslubda g'alaba qozonib, 77 kg vaznda kuchli jangchilar ko'p ekanini, ammo ular biz o'ylagandek kuchli emasligini ko'rsatdi.

Men yarim o'rta vazndagi boshqa kuchli jangchilarning sifatlarini kamsitmayapman, lekin bir past vazndan chiqqan inson kelib, chempionni shunday dominant uslubda sindirib tashladi. Bu esa 77 kgda yaxshi yigitlar bor, ammo ular juda yuqori darajada emasligini ko'rsatdi. Bu SHon Brediga ham, Maddalenaga ham, Bilolga ham, malum darajada Ien Gerriga ham taalluqli. Islam yo'q paytda ular monstr edi, ammo Islam kelganidan keyin qaergadir g'oyib bo'lishdi", — dedi Eduard Bazrov.