SHaxmat Olimpiadasi. Erkaklar jamoamiz Kuba bilan durang o'ynadi

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. O'n ettinchi jahon chempioni Rustam Qosimjonov boshchiligidagi O'zbekiston erkaklar terma jamoasi Olimpiadaning 9-turida Kuba terma jamoasi bilan 2:2 hisobida durang o'ynadi.

Rustam Qosimjonov birinchi doskada Kubaning birinchi raqam grossmeysteri Lener Domingesga imkoniyatni boy berdi. Jahongir Vohidov va Anton Filippov kuchli raqiblari bilan murosaga kelishdi. Marat Jumaev reytingda o'zidan yuqorida turgan Reynaldo Ortizni mag'lub etishning uddasidan chiqdi.

Taqqoslash uchun, Kuba terma jamoasi Olimpiadada 5, O'zbekiston terma jamoasi 31-raqam ostida tasniflangan. Bugun shaxmatchilarimiz 10-turda Germaniya terma jamoasi vakillariga qarshi dona suraishadi. To'qqizinchi turdan so'ng terma jamoamiz qo'shimcha ko'rsatkichlarga ko'ra 37-pog'onadan 36-o'ringa ko'tarilib oldi. Terma jamoamiz hisobida 5ta g'alaba, bitta durang va 3ta mag'lubiyat bor.