SHaxmat Olimpiadasi. Erkaklar jamoamiz Nikaraguani mag'lub etdi

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. O'n ettinchi jahon chempioni Rustam Qosimjonov boshchiligidagi O'zbekiston erkaklar terma jamoasi Olimpiadaning ettinchi turida Nikaragua terma jamoasini 4:0 hisobida mag'lub etdi.

Rustam Qosimjonov, Jahongir Vohidov, Anton Filippov va Nodirbek Yoqubboevlar raqiblariga hech qanday imkoniyat qoldirishmadi. Bugun shaxmatchilarimiz 8-turda Zimbabve terma jamoasi vakillariga qarshi bahs olib borishadi. Ettinchi turdan so'ng terma jamoamiz qo'shimcha ko'rsatkichlarga ko'ra 52-o'rinni egallab turibdi. Terma jamoamiz hisobida 4ta g'alaba, 3ta mag'lubiyat bor.